لامن ضحك بانت ثمـانٍ معاذيـب

غنى الحمام وجس روحي بالانغـام
وانا معه غنيـت لحـن المناحيـب
غنيت للي في الحشى حبـه الهـام
الي سقانـي دون شـكٍ ولاريـب
غاض الغواني غر و غاني ومغرام
صوته نغم يغري وبانغامه الطيـب
عاجي غنج منعاج الارداف عجـام
لامن ضحك بانت ثمـانٍ معاذيـب
حلو الحلايا حالي الريـق محـوام
حاني الحنان احوم يلوح المحاريب
جاوي الجوى مدعوج الاعيان لجام
يلجم لسان اهل المحاجي المعاجيب
لاع الخفوق ولوّع الـروح منعـام
عين النواعم منه معلولتـن خيـب
صداح صوته بالصفاء صول معصام
عاصي العواصم ماصلته الغواصيب
سامي السلوم ولا لمس نسمته سام
مثل العسل لاسال مس الملاسيـب
جاني وناجيته على ديـن الاسـلام
من بيت عز ولا تجيـه العذاريـب
خذ ياحمام الدوح من بوح الاقـلام
دمعي مداد وشوق قلبي مشاريـب
وصل سلامـي للـذي لام يـا لام
الي خذا قلبي ومـا منـه تثريـب
قله فـلاح اليـوم بالبعـد منضـام
عايش على الامال يقنب كما الذيب
مشتاق لك ماغير جلدٍ على عظـام
خايف من الي منكتب له في الغيب
يالله عسى اللقياء حقيقه بالاحـلام
وان ماتحقق شوفها كيف باطيـب

منقوله

مشكور على الطرح الجميل وبنتظار الجديد

تقبل مروري على صفحتك

الله يعطيك العافيه
اسعدني مرورك وتعقيبك على موضوعي
لاهنتي