هنوف طبعها نهب القلوبي

سقى دمعي من العبرات ثوبـي
بعد ماجـرح الخديـن هـاوي
أغض الطرف أقول للعين توبي
وحذرا عن ردييـن الهقـاوي
تقول الناس ذولا هبّلـوا بـي
وحدوني علـى درب المنـاوي
إنا إن صديت ضيعت الدروبـي
وهذي عادة عيـون الشقـاوي
قبلت اعذارها لو شمتـوا بـي
عواذل طبعهم نشـر العـزاوي
وأنا وإن غاب عني قمت أهوبي
مع العالم وأنـا كلـي بـلاوي
وألا ياكثـر مابانـت عيوبـي
ولااسمع هرج نقال الدعـاوي
أصم أبكم وأكابر لو حكوا بـي
مدام إن حبهـا أمـرٍ سمـاوي
ياليت إن والده عايش عزوبـي
وخطبة أمها هـرج الشفـاوي
ولاجا بينهـم ظبـي عجوبـي
وصاروا هم سبب ذبح الهواوي
هنوف طبعها نهـب القلوبـي
وتغري منهو بوصله رجـاوي
أسوق الرجل له تقل مغصوبـي
وأصوّت بالبلد كنـي خـلاوي
وإلى هبّت من الشرق الهبوبي
أشـم بريحـه عـلاجٍ يـداوي
وقام القلب يرجف في جنوبـي
وضيق الصدر صاير له مخاوي